我又黎找數
呢樣野真係要講返七八年前啦
第一次飛呢個日本城市 仲要有得過夜喎
諗起都好開心 點知有啲野
呢間係機場酒店黎，電視台都有介紹過架啦
傳說中十樓有一家四口喺個衣櫃入面
仲有廁所門口成日有啲野行出行入嗰間
嗰晚就買完野食完野沖完涼就訓啦
訓到半夜三更凍到醒左 間房凍到好似雪房咁
半夢半醒行去閂冷氣 但係根本冇開到
冇辦法就上返床訓啦 怪事就黎啦
訓極都訓唔著 仲聽到啲音樂聲
似係日本傳統節慶嗰啲
🎏 🎎 🏮 🎐
第一我冇播歌 第二我冇啲咁嘅音樂
然後聽真啲越來越大聲咁
仲要係喺門外面傳入黎
史上最ON9嘅事出現左
我 彈 左 起 身 去 開 門
🙄🙄🙄🙄🙄🙄🙄🙄
十個聽到呢啲事都唔會去開門啦
擺明唔正常啦 我又會走去開門
開門之前仲聽到音樂 一開門冇左
但最恐怖係條走廊乜都冇
係乜都睇唔到 淨係見到好大霧
好似係上左山頂啲雲海遮住左咁
正常點會有音樂 正常點會有霧
嗰下已經知瀨野 因為背脊有陣寒氣
我即刻閂門 撥起頭髮打出個額頭
再極大聲講粗口
上返床之後 間房個氣溫又正常返
亦再冇音樂聲 好快就訓著左
第二朝上到機問啲同事
「尋晚半夜你地有冇聽到走廊有人播音樂呀？
開門仲見到條走廊唔知點解好大霧。」
Well 真係得我一個聽到
Well 班友話我第一次去
佢地幫我搞個 Welcome Ceremony 喎
🙆🏻♂️🙅🏻♂️💁🏻♂️🤦🏻♂️🤷🏻♂️
#Tofudiary #豆腐空少
#豆腐空少的飛行日記
Search